अनुराग लामाको नयाँ गीत ‘असन गल्ली इन्द्रचोक’ सार्वजनिक

♦ अशोक बुद्ध लामा

बनेपा । गायक तथा संगीतकार अनुराग लामाको शब्द र संगीतमा आधारित नयाँ गीत ‘असन गल्ली इन्द्रचोक’ सार्वजनिक भएको छ। यो गीत काजल तामाङको आधिकारिक युट्युब च्यानल मार्फत दर्शक-श्रोतामाझ आएको हो।

गीतमा अनुराग लामाको नै शब्द र संगीत रहेको छ भने एरेन्ज र मिक्सिङ प्रयास दोङले गरेका छन्। आकर्षक शब्द संयोजन र मनछुने धुनको साथ प्रस्तुत गरिएको यस गीतमा केशर तामाङ र काजल तामाङ को सुमधुर स्वर रहेको छ।

‘असन गल्ली इन्द्रचोक’ गीतले प्रेम, आकर्षण र सम्बन्धको भावलाई उजागर गर्ने प्रयास गरेको छ। गीतले श्रोतालाई माया–प्रेमको मीठो अनुभूति गराउने विश्वास गरिएको छ।