आदिवासी जनजाति युवा महासंघ बागमती प्रदेशको अध्यक्षमा जीवन वाइबा

♦ अशोक बुद्ध लामा

बागमती प्रदेशस्तरीय आदिवासी जनजाति युवा महासंघ नेपालको दोस्रो अधिवेशन सम्पन्न भएको छ। अधिवेशनले जीवन वाइबालाई अध्यक्ष पदमा निर्विरोध चयन गरेको छ। २०८१ फागुन १५ गते सम्पन्न भेलाले वाइबाको नेतृत्वमा १४ सदस्यीय कार्यसमिति गठन गरेको हो।

कार्यसमितिमा बिमला हायु, सुनिता आले मगर, सिजन शाक्य उपाध्यक्ष पदमा चयन भएका छन्। सचिवमा शुमित्र मोक्तान, सह–सचिवमा पेमा खाण्डु शेर्पा र पाल्देन लामा, कोषाध्यक्षमा विष्णु माया लामा, सह–कोषाध्यक्षमा मन्जु लोप्चान चयन भएका छन्।

सदस्यहरूमा कृस मान तामाङ, सञ्जय मोक्तान, सन्तोष कुमार गुरुङ, माया गुरुङ, राज तामाङ रहेका छन्। बाँकी रहेका सदस्यहरूलाई बागमती प्रदेश युवा महासंघमा आबद्ध विभिन्न जातीय समुदायबाट समावेश गर्ने निर्णय गरिएको छ।

भेलाको अध्यक्षता निवर्तमान अध्यक्ष विलाम मुक्तानले गरेका थिए। प्रमुख अतिथिका रूपमा आदिवासी जनजाति उत्थान राष्ट्रिय प्रतिष्ठानका उपाध्यक्ष रेशम गुरुङ सहभागी थिए।

विशिष्ट अतिथिका रूपमा आदिवासी जनजाति महासंघका उपमहासचिव रामकृष्ण ल्बोन तामाङ, नेपाल तामाङ घेदुङका अध्यक्ष मोहन कुमार गोले, आदिवासी जनजाति उत्थान राष्ट्रिय प्रतिष्ठानका कार्यकारी सदस्य सेतेमान तामाङ, आदिवासी जनजाति युवा महासंघका महासचिव किरण श्रेष्ठ, उपमहासचिव राकेश गुरुङ, सचिव घम्ब घिसिङ (मिलन), सिन्धुपाल्चोक कार्यवाहक अध्यक्ष फुर्वा ग्याल्बो मोक्तान, युवा महासंघका केन्द्रीय सदस्य सुप्रिया राई लगायत विभिन्न संघसंस्थाका प्रतिनिधिहरू उपस्थित थिए।

बागमती प्रदेशको ११ जिल्लाका प्रतिनिधिहरूको सहभागिता रहेको यो अधिवेशनमा दोलखा र चितवन जिल्लाका प्रतिनिधिहरू भने सहभागी भएका थिएनन् ।