बोलेरोको ठक्करबाट पाँच वर्षीय बालकको मृत्यु

बनेपा । बोलेरोको ठक्करबाट पाँच वर्षिय बालकको मृत्यु भएको छ ।

पनौतीबाट बनेपा आउँदै गरेको बागमती प्रदेश ३, २२ च ३२९१ नम्बरको बोलेरोले बाटोमा हिड्दैं गरेका बालकलाई ठक्कर दिएको हो ।

बोलेरोको ठक्करबाट सिन्धुपाल्चोक सुनकोशी गाउँपालिकाका ५ वर्षीय आशीष अधिकारीको उपचारकाक्रममा शिर मेमोरियल अस्पतालमा मृत्यु भएको इलाका प्रहरी कार्यालय बनेपाका प्रमुख प्रहरी निरिक्षक नारायण थापाले जानकारी दिए ।