काभ्रे पोष्ट
बनेपा । काभ्रेपलाञ्चोकको बनेपा नगरपालिका वडा नं. १० पुल बजारमा अवस्थित यु एम बचत तथा ऋण सहकारी संस्था लिमिटेडको ११ औँ साधारण सभा सम्पन्न भएको छ ।
काभ्रे र सिन्धुपाल्चोक गरि ८ वटा सेवा केन्द्रबाट सेवा प्रवाह गरेको साकोसका अध्यक्ष रामशरण श्रेष्ठले जानकारी दिए । यु एम बचत तथा ऋण सहकारी संस्था लिमिटेडको शेयर पुँजी ५ करोड भन्दा बढि रहेको अध्यक्ष श्रेष्ठले जानकारी दिए ।
आफ्नै भवनमा साधारण सभा सम्पन्न गरेको साकोसले उत्कृष्ट बचतकर्ता तथा उत्कृष्ट कारोबारीलाई सम्मान समेत गरेको छ । कार्यक्रममा रोनिशा श्रेष्ठ उत्कृष्ट बाल बचतकर्ता, सुर्य रत्न शाक्य उत्कृष्ट बचतकर्ता, बिद्या मानन्धर उत्कृष्ट बचत कर्ता ,सिर्जना बज्बुल उत्कृष्ट नियमित बचतकर्ता सम्मानित भएका थिए । कार्यक्रममा कान्छी भुजेल जेष्ठ उत्कृष्ट बचतकर्ता, पुर्णराज खिचा, बिरेन्द्र धिनान्जु उत्कृष्ट कारोबारकर्ताबाट सम्मानित भएका छन् ।
कार्यक्रमका प्रमुख अतिथि काभ्रे उद्योग बाणिज्य संघका अध्यक्ष राजेन्द्र पसछेंले सहकारीलाई विश्वशनिय बनाउनु पर्ने बताए । पछिल्लो समय सहकारीको बारेमा नकारात्मक समाचार आइरहेको भन्दै उनले बचतकर्तालाई विश्वास गर्ने गरी संस्थाका क्रियाकलाप सञ्चालन गर्न आग्रह गरेका थिए । कार्यक्रम संस्थाका अध्यक्ष रामशरण श्रेष्ठको सभापतित्वमा सम्पन्न भएको थियो ।
