पिपुल्स बचतको १६ औं साधारण सभा सम्पन्न

बनेपा । बनेपा स्थित पिपुल्स बचत तथा ऋण सहकारी संस्था लि.को १६ औँ वार्षिक साधारणसभा शनिबार बनेपामा संस्थाका अध्यक्ष निरन शाक्यको अध्यक्षता र बागमती प्रदेशका कृषि तथा पशुपंक्षी विकास मन्त्री बसुन्धरा हुमागाईको प्रमुख आतिथ्यतामा सम्पन्न भएको छ ।

कार्यक्रमलाई सम्बोधन गर्दै मन्त्री हुमागाईले वास्तविक सहकारीले राम्रो काम गरेर समाजलाई पु¥याएको योगदानको प्रशंसा गरेका थिए । मन्त्री हुमागाईंले प्रदेश सरकारले २ लाख मेट्रिक टन रासायनिक मल उत्पादन गर्ने गरी कारखाना स्थापनाको संभाव्यता अध्ययन गरिएको र कृषि औजार कारखाना स्थापनाको प्रकिया अघि बढेको बताए ।

कार्यक्रममा संस्थाको बार्षिक प्रतिबेदन सचिब देवेन्द्र श्रेष्ठले, आर्थिक प्रतिबेदन कोषाध्यक्ष सन्तोष कुमार घिमिरेले र लेखा प्रतिवेदन संयोजक रजिव श्रेष्ठले प्रस्तुत गरेका थिए । संस्थाको आर्थिक वर्ष २०७८÷०७९ को कुल वासलात ३१ करोड ५५ हजार, शेयर पुजी २ करोड ८० लाख, बचत हिसाब २५ करोड ४६ लाख, ऋण लगानी २४ करोड ३३ लाख, जगेडा तथा कोषहरु १ करोड ७५ लाख र शेयर सदस्य ५ हजार ९ सय ५२ जना रहेको संस्थाका प्रबन्धक नवराज सापकोटाले जानकारी दिए ।

कार्यक्रममा बनेपा नगरपालिका प्रमुख शान्तिरत्न शाक्य, बनेपा नगरपालिकाका वडा नं. ८ का वडा अध्यक्ष शुभलक्ष्मी मानन्धर, जिल्ला सहकारी संघ लि. का अध्यक्ष दिलिप शर्मा, काभ्रेपलाञ्चोक जिल्ला बचत तथा ऋण सहकारी संघ लि.का अध्यक्ष जितेन्द्र नकर्मी, सहकारीकर्मी साधुराम दाहाल, पत्रकार महासंघ काभ्रेका अध्यक्ष बद्रीराज तिमल्सिना लगायतले सहकारीका आयामहरुको विषयमा चर्चा गरेका थिए ।

साधारण सभाकै अवसरमा बार्षिक उत्कृष्ट विधा अन्र्तगत १० जना उत्कृष्ट कारोबार गर्ने सदस्यहरुलाई एवं उत्कृष्ट कर्मचारीमा आफ्नो जिम्मेवारी पूरा गर्दै अनवरत रुपमा कार्य सम्पादन गर्दै आउनुहुने सहायक एलिना सुवाललाई समारोहमा सम्मान गरियो । कार्यक्रममा धन्यवाद ज्ञापन संस्थाका उपाध्यक्ष पवन राज कर्णजीत एवं सञ्चालन सह–कोषाध्यक्ष सरोज श्रेष्ठले गरेका थिए ।