सहयात्राको वार्षिक कार्ययोजना निर्माण कार्यशाला सम्पन्न

पनौती । पनौती स्थित सहयात्रा देवीस्थान बहुउदेश्यीय सहकारीले वार्षिक कार्ययोजना निर्माण कार्यशाला कार्यक्रम सम्पन्न गरेको छ ।

२०८० आषाढ १६ गते शनिबार संस्थाले आगामी आ.व २०८०/०८१ को लागि लक्षित कार्ययोजना संस्थाको संचालक समिति, सेवा केन्द्र संचालन उपसमिति, विभिन्न कार्यगत उपसमितिका पदाधिकारीका साथै कर्मचारीहरुको संयूक्त बैठकमा व्यवसायिक योजना निर्माण कार्य सम्पन्न गरिएको छ ।

कार्ययोजना निर्माण संयोजक तथा संस्थाका कोषाध्यक्ष आनन्द सापकोटाबाट तयार गरिएको कार्यक्रम मार्ग चित्र अनुसार कार्यक्रममा संस्थाको स्थापना काल देखि २०८० आषाढ १५ गते सम्मको आर्थिक विवरण, संस्थाले हालसम्म सदस्यहरुलाई दिएको सेवा सुविधा तथा चा.लु आ.वमा सम्पन्न विभिन्न संस्थागत कार्यक्रमहरुको विस्तृत जानकारी संस्थाका प्रमुख व्यवस्थापक गौतम प्रजापतिले प्रस्तुत गर्नुभएको थियो ।

लेखा तथा सुपरिवेक्षण समिति संयोजक नरहरी भण्डारीले वित्तिय अवस्थाको विश्लेषणमा सुझाव सहित आगामी आ.व. को लागि रणनीतिहरु र आर्थिक मन्दिका कारण श्रृजना भएको अवको अवसर र चुनौतीहरुलाई सुष्म विश्लेषण सहित आफ्नो धारणा प्रस्तुत गर्नुभएको थियो ।

संस्थाका सचिव हरिशंकर तिमल्सिनाले संस्थाको आगामी आर्थिक वर्षका लागि नीति तथा कार्यक्रमका प्राथमिकता सम्वन्धमा छलफल गर्नुका साथै सामुहिक योजना निर्माण तथा कार्यान्वयन संयन्त्र मार्फत संस्थाले तयार गरेको लक्ष्य प्राप्त गर्न सहज हुने र संस्थाको उन्नति प्रगतिमा सामुहिक योगदानको महत्ववारे  प्रकाश पार्नुभएको थियो ।

कार्यक्रममा सहभागीहरुले विभिन्न समुहमा रहि संस्थाको सबल पक्ष, सुधार गर्नुपर्ने पक्ष, अवसर तथा चुनौतीहरुको विश्लेषण गराई समुहबाट प्राप्त आगामी वर्षको लागि आवश्यक सल्लाह सुझाव सहित कार्यलक्ष्य तथा योजनाहरुको संकलन गरिएको थियो ।

कार्यक्रम संस्थाका अध्यक्ष गोविन्द प्रसाद न्यौपानेको अध्यक्षतामा सम्पन्न भएको थियो । कार्यक्रम संचालन सह सचिव प्रविण दाहालले गर्नु भएको थियो । कार्यक्रममा संस्थाका अध्यक्षले सामुहिक जिज्ञासालाई सम्बोधन गर्नुभएको थियो ।

कार्यक्रममा संस्थाको भावी लक्ष्य प्राप्तिका लागि सम्पुर्ण सहभागीहरुबाट आफ्नो सम्भावित योगदान सम्वन्धमा लिखितरुपमा व्यक्तिगत प्रतिवद्धता व्यक्त गरि कार्यक्रम समापन गरिएको थियो ।