विश्वराम तिमल्सिनाको ‘एउटा कुरा छ’ सार्वजनिक
बनेपा । उदयीमान गायक विश्वराम तिमल्सिनाको नयाँ लोक दोहोरी गीत ‘एउटा कुरा छ’ सार्वजनिक भएको छ ।
सर्जक सरोज विरही कार्कीको संगीत र शब्द बोल्ने गीत ‘अमिस उपरकोटी अफिसियल’ युट्युब च्यानल मार्फत सार्वजनिक गरिएको हो ।
गीतमा गायक विश्वराम तिमल्सिना र गायिका पार्वती भुजेलले आवाज भरेका छन् । विशेषत प्रेमिल जोडीका भावनालाई गीतले कलात्मक ढंगले प्रस्तुत गरेको छ । नारायण दंगालको एरेन्जमा तयार भएको गीतको रेकर्ड काठमाडौं स्थित मुर्चुङ्गा स्टुडियोमा गरिएको हो ।
त्यस्तै गीतको भिडियोमा मोडल करिष्मा ढकाल र अमिस उपरकोटीले सुन्दर अभिनय गरेका छन् । जोन राईको निर्देशनमा निर्मित गीतको भिडियोलाई देव दोर्जे लामाले खिचेका हुन् । शृङ्गार प्रिया नगरकोटीको रहेको छ । भने गीतको भिडियोमा कलर भर्ने र सम्पादन जोन राईले गरेका हुन् ।
आफ्नो गायनमा तेस्रो गीत सार्वजनिक भएसँगै विश्वराम तिमल्सिना दर्शकको माया र साथ भएमा आगामी दिनमा अझै निखारिएका गीत संगीत लिएर दर्शकस्रोता माझ प्रस्तुत हुने बताउँछन् । तिमल्सिनाको यस अघि मसाने, घाँस काटे लगायतका गीतहरु दर्शकको रोजाईमा पर्न सफल भएका थिए ।
तिमल्सिना तेस्रो राष्ट्रिय विशाल लुम्बिनी लोक दोहोरी अवार्ड २०८० बाट समेत सम्मानित भएका छन् ।
