रोशीमा ६६ वर्षिया वृद्धा मृत फेला

रोशी । रोशी गाउँपालिका वडा नम्बर ३ भञ्ज्याङगाउँमा एक वृद्धाको शव फेला परेको छ । ६६ वर्षिया वृद्धा माईली लामा आफ्नै घरको भान्सा कोठामा मृत अवस्थामा भेटिएकी थिइन् ।

कार्तिक १६ गते दिउँसो ४:१५ बजेको समयमा शव फेला पारे लगत्तै स्थानीयले प्रहरीलाई खबर गरेका थिए । मृतक महिलाको टाउकोमा चोट लागेको, निजको कर्तब्य गरि मारेको गरिएको जनाइएको छ ।

मृत अवस्थामा लामा फेला परेको भन्ने खबर प्राप्त हुनसाथ तत्काल प्रहरीचौकी खहरेपाँगुबाट प्र.स.नि. निल कुमार स्याङतानको कमाण्डमा ४ जनाको टोली खटी गई घटनास्थल सुरक्षित राखिएको थियो ।

घटनास्थलमा जिल्ला प्रहरी कार्यालय काभ्रेबाट प्र.नि. दिनेश बहादुर कुवँरको कमाण्डमा SOCO सहितको टोली खटि गई हाल अनुसन्धान भइरहेको जिल्ला प्रहरी कार्यालयका प्रहरी नायव उपरीक्षक मिन बहादुर घलेले जानकारी दिनुभयो ।

घटनामा संलग्न ब्यक्तिको खोजी कार्य भई रहेको काभ्रे प्रहरीले जानकारी दिएको छ ।