चौरीदेउराली । प्रभा कल्याणकारी संस्था, एस एल सी ब्याच २०५२ को दोस्रो पुर्नमिलन एवं बनभोज कार्यक्रम सम्पन्न भएको छ। प्रभा बहुमुखी क्याम्पसका पुर्व प्राचार्य चुडा प्रसाद चौलागाईंको प्रमुख आतिथ्यतामा कार्यक्रम सप्पन्न भएको हो ।
कार्यक्रममा शुभकामना मन्तव्य राख्दै प्रमुख अतिथि चौलागाईंले प्रेमको साङ्लो बनेर जुन उदेश्यका साथ एस एल सी ब्याच २०५२ का आफ्ना पुर्व बिद्यार्थीहरुले प्रभा कल्याणकारी संस्था दर्ता गरेर समाज सेवा, साथीभाइ बीच आत्मियता, मित्रता गास्न सफल हुनुभएकोमा त्यस प्रति आफुले गर्व महसुस गरेको बताउनु भयो ।
आफ्नो जीवनको ४० वर्ष प्रभा माध्यामिक बिद्यालयमा सेवा गरेको स्मरण गर्दै प्रमुख अतिथि चौलागाईंले प्रेम पुर्वक सम्झना गरेर मेरा पुर्व बिद्यार्थीहरुले गरेको सम्मान प्रती खुसी व्यक्त गर्नुभयो।
प्रभा कल्याणकारी संस्था एस एल सी ब्याच २०५२ जुन उदेश्यका साथ अगाडी बढन खोजेको छ त्यो पूरा हुँदै जाओस् भन्दै शुभकामना व्यक्त गर्नुभएको थियो ।
कार्यक्रमका विशेष अतिथि प्रभा एल्मुनाइ एसोसिएसनका अध्यक्ष गोकुल गौतमले प्रभा मा.वि. कात्तिके देउरालीमा अध्ययन गर्नुभएका सम्पुर्ण बिद्यार्थीहरुको छाता संस्था प्रभा एल्मुनाइको एउटै चौतारीमा सबै साथीहरूलाई जोडदै अगाडी बढेको बताउदै प्रभा कल्याणकारी संस्था र प्रभा एल्मुनाइको उदेश्य एउटै भएकोले आगामी दिनहरुमा सहकार्यका साथ अगाडी बढनुपर्ने बताउनुभयो ।
प्रभा एल्मुनाइले पनि प्रभा मा वि मा अध्ययन गर्नुहुने पुर्व बिद्यार्थीहरुको एकता मेलमिलापलाई आत्मसात गर्दै बनभोज, तीज विशेष कार्यक्रम संचालन गर्दै आएको बताउनुभयो।
प्रभा कल्याणकारी संस्था एस एल सी ब्याच २०५२ ले बिशेष सम्मानका साथ प्रभा एल्मुनाइलाई सम्झेर आमन्त्रण गर्नुभएकोमा संस्था एवं ब्यक्तिगत तर्फबाट संस्थाको उत्तरोत्तर प्रगतिको शुभकामना व्यक्त गर्नु भयो।
कार्यक्रमका बिशेष अतिथि समाज सेवी यादव कोइरालाले आफुले पनि प्रभा कल्याणकारी संस्था संग सहकार्य गर्दै कोशीपुर्व चौरीदेउरालीमा समाज सेवा र सामाजिक उत्तरदायीत्वका कार्यक्रममा सहयोग गर्ने बताउनु भयो।
कार्यक्रममा प्रभा कल्याणकारी संस्थाका अध्यक्ष एकनाथ गौतमले प्रभा कल्याणकारी संस्थाले एस एल सी ब्याच २०५२ का साथीहरुलाई जोडदै संस्था मार्फत साथीभाइ बीच एकता, मेलमिलाप सहकार्य गर्दै स्वदेश एवं बिदेशमा रहनु भएका एस एल सी ब्याच २०५२ का साथीहरुलाई जोडदै समाज सेवा र सामाजिक उत्तरदायीत्वका कार्यक्रमलाई संचालन गरिने बताउनुभयो।
कार्यक्रममा उपस्थित प्रमुख अतिथि, विशेष अतिती एवं प्रभा कल्याणकारी संस्थामा आवद्ध एस एल सी ब्याच २०५२ का साथीहरू प्रति धन्यवाद व्यक्त गर्दै छुटनुभएका साथीहरूलाई संस्थामा आवद्ध हुन आग्रह गर्नुभयो। कार्यक्रमको सहजीकरण संस्थाका महासचिव दीपक प्रसाद चौलागाईंले गर्नुभएको थियो।
