विनायक बाल विद्यालयको २६ औं वार्षिकोत्सव : जेहेन्दार विद्यार्थी नगदसहित सम्मानित

धुलिखेल। धुलिखेल नगरपालिका वडा नं ८ बडालगाँउ स्थित विनायक बाल आधारभुत विद्यालयको २६ औ वार्षिकोत्सव तथा पुरस्कार वितरण कार्यक्रम शनिबार सम्पन्न भएको छ ।

समारोह धुलिखेल नगरपालिकाका नगर प्रमुख अशोक ब्यान्जुको प्रमुख आतिथ्यतामा सम्पन्न भएको हो ‌।

कार्यक्रमलाई सम्बोधन गर्दै नगर प्रमुख ब्यान्जुले नगरको शैक्षिक गुण स्तरीयता वृद्धिमा लगानी गरेको बताउनु भयो। नगर प्रमुख ब्यान्जुले ज्ञान, सीप र क्षमताको सहि उपयोग गरि विद्यार्थीहरुको शिक्षण सिकाईलाई थप प्रभावकारी बनाउन शिक्षक वर्ग एकता बद्ध भैइ अनुशासित ढंगले प्रतिबद्ध हुनुपर्नेमा जोड दिनुभयो ।

वडा अध्यक्ष बिनोद गौतमले वडाले बिगतको तुलनामा समग्र दिगो बिकासका योजनाहरु क्रमागत रुपमा सम्पन्न हुदै गएको बताउनु भयो।

रेडियो एबिसीका अध्यक्ष रमेश प्रसाद न्यौपानेले विद्यालयका कक्षा -८ को छात्र सन्देश ढलकोटी र कक्षा-३ बिनिता तामाङलाई नगद सहित पुरस्कृत गर्नुभयो । उनीहरूले क्रमश: ३.६ जिपीए र ४ जिपिए ल्याएका थिए ।

कार्यक्रममा धुलिखेल नगरपालिका शिक्षा शाखा अधिकृत भोज कुमार ठकुरी, सरस्वती माविका प्रधानाध्यापक रमेश प्रसाद बडाल , स्थानीय शैक्षिक सरोकारवाला बिष्णु मिजार, विद्यालय ब्यवस्थापन समिति, शिक्षक अभिभावक संघका पदाधिकारी , अभिभावक र विद्यार्थीहरुको सहभागिता रहेको थियोे ।

कार्यक्रममा विद्यार्थीहरुले साँस्कृतिक कार्यक्रम सहित आ आफ्नो प्रतिभा प्रस्तुति गरेका थिए । संचालक अध्यक्ष चोला बहादुर गौतमको सभापतित्वमा सप्पन्न भएको कार्यक्रमको संञ्चालन श्याम ढलकुटीले गर्नुभएको थियो ।