सामसुङ नेपालद्वारा 5G सिरिजका ग्यालेक्सी A56 , A36 र A26 सार्वजनिक
काभ्रे पोष्ट
काठमाडौं । सामसुङ नेपालले आफ्नो लोकप्रिय ग्यालेक्सी A सिरिज अन्तर्गत ग्यालेक्सी A56 5G, ग्यालेक्सी A36 5G र ग्यालेक्सी A26 5G सार्वजनिक गरेको छ। यस पटक, ग्यालेक्सी A सिरिजमा ‘असम इंटेलिजेन्स’ समावेश गरिएको छ, जसले AI प्रविधि मार्फत मोबाइल अनुभवलाई नयाँ परिभाषा दिएको छ। यो प्रविधिले सिर्जनात्मकता, सुरक्षा, गोपनीयता तथा टिकाउपनमा सुधार ल्याउने विश्वास गरिएको छ। ग्यालेक्सी A56 5G र A36 5G अहिले नै बजारमा उपलब्ध छन् भने ग्यालेक्सी A26 5G अप्रिलको पहिलो साताबाट उपलब्ध हुनेछ।
नयाँ ग्यालेक्सी A सिरिजमा असम इंटेलिजेन्स
असम इंटेलिजेन्स, ग्यालेक्सी A56 5G, A36 5G र A26 5G मा उपलब्ध एक विशेष मोबाइल AI प्रविधि हो, जसले प्रयोगकर्तालाई शक्तिशाली र रमाइलो टुल्स प्रदान गर्दछ। One UI 7 द्वारा सञ्चालित यो प्रविधिले खोज तथा भिजुअल अनुभवलाई नयाँ स्तरमा पु-याएको छ।
‘सर्कल टु सर्च’ विशेषता थप प्रभावकारी भई मोबाइल स्क्रिनबाट सजिलै नम्बर, इमेल ठेगाना, URL पहिचान गर्न सकिन्छ। साथै, ‘म्यूजिक बटन’ ट्याप गरेर वरपर बजिरहेको गीतको नाम तथा कलाकारको जानकारी तुरुन्तै प्राप्त गर्न सकिनेछ।
उन्नत क्यामेरा प्रविधि
ग्यालेक्सी A सिरिजका नयाँ स्मार्टफोनहरूमा 50MP मुख्य क्यामेरा दिइएको छ। ग्यालेक्सी A56 5G र A36 5G मा 10-bit HDR फ्रन्ट क्यामेरा समावेश गरिएको छ, जसले उच्च गुणस्तरका सेल्फी प्रदान गर्दछ। A56 5G मा 12MP अल्ट्रा-वाइड लेन्स तथा ‘बेस्ट फेस’ विशेषता रहेको छ, जसले समूह फोटोहरूलाई अझ आकर्षक बनाउँछ। साथै, ‘नाइटोग्राफी’ प्रविधिले न्यून प्रकाशमा पनि उत्कृष्ट फोटो लिन मद्दत गर्दछ।
Object Eraser सुविधा उपलब्ध भएकोले प्रयोगकर्ताले अनावश्यक वस्तुहरू सजिलै हटाउन सक्छन्। साथै, Filters फिचरले प्रयोगकर्तालाई आफ्नो फोटोहरूमा मनपर्ने शैली तथा रंग प्रयोग गर्ने सुविधा प्रदान गर्दछ।
डिस्प्ले, टिकाउपन र प्रदर्शन
ग्यालेक्सी A56 5G र A36 5G मा 6.7 इन्च FHD+ सुपर AMOLED डिस्प्ले समावेश गरिएको छ, जसको ब्राइटनेस 1200 निट्ससम्म पुग्न सक्छ। स्टेरियो स्पिकरले ध्वनि अनुभवलाई अझ उत्कृष्ट बनाउनेछ।
यस सिरिजमा 5000mAh ब्याट्री दिइएको छ, जसले दिनभरि टिक्ने पावर प्रदान गर्छ। A56 5G र A36 5G मा 45W सुपर-फास्ट चार्जिङ सपोर्ट रहेको छ।
प्रदर्शनको हिसाबले, ग्यालेक्सी A56 5G मा Exynos 1580 चिपसेट तथा A36 5G मा Snapdragon 6 Gen 3 प्रोसेसर राखिएको छ। ठुलो भेपर च्याम्बर प्रविधिको कारण गेम खेल्न तथा मल्टिटास्क गर्न सजिलो बनाएको छ।
सुरक्षा र टिकाउपन
ग्यालेक्सी A26 5G मा पहिलो पटक IP67 धुलो तथा पानी प्रतिरोध क्षमता समावेश गरिएको छ, जसले A36 5G र A56 5G जस्तै मजबुत सुरक्षा प्रदान गर्छ। Corning® Glass को प्रयोगले स्क्र्याच तथा चर्किने समस्याबाट मोबाइललाई सुरक्षित राख्छ।
One UI 7 को साथमा, Samsung Knox Vault प्रविधिले थप सुरक्षा प्रदान गर्छ, जसले गोपनीय डेटा सुरक्षित राख्न मद्दत गर्छ।
मूल्य र उपलब्धता
| डिभाइस | RAM/Storage | रंगहरू | मूल्य (NPR) |
|---|---|---|---|
| Galaxy A56 5G | 12 GB / 256 GB | Awesome Graphite, Light Grey, Olive | 70,999 |
| 8 GB / 256 GB | 65,999 | ||
| Galaxy A36 5G | 12 GB / 256 GB | Awesome Black, White, Lime | 59,999 |
| 8 GB / 256 GB | 54,999 | ||
| 8 GB / 128 GB | 48,999 | ||
| Galaxy A26 5G | 8 GB / 256 GB | Awesome Black, White, Light Green | 45,999 |
ग्यालेक्सी A56 5G, A36 5G र A26 5G मार्च 28 देखि सबै सामसुङ नेपालका आधिकारिक स्टोरहरूमा उपलब्ध हुनेछन्। EMI सेवा समेत उपलब्ध रहेको छ, जसमा 0% ब्याज दरमा NPR 2,300/महिनाबाट किस्ताबन्दीमा फोन खरिद गर्न सकिनेछ। साथै, पुरानो स्मार्टफोन साट्न चाहने ग्राहकहरूले ‘सबकोफोन’ वा ‘Arkostore’ मार्फत एक्सचेन्ज सुविधा प्राप्त गर्न सक्नेछन्।
काभ्रे पोष्ट
