बेथानचोक । बेथानचोक गाँउपालिकाले मुख्य बजारहरुमा निःशुल्क इन्टरनेट सेवा संचालन गरेको छ । बेथानचोक गाँउपालिकाको आ.ब २०७९/८० को बार्षिक नीति तथा कार्यक्रम अन्तर्गत प्रत्येक वडा कार्यालयका आसपासका मुख्य बजार क्षेत्रहरुमा निःशुल्क इन्टरनेट सेवा सुचारु गरेको हो ।
नि:शुल्क वाईफाई क्षेत्रहरु वडा न. १ को कार्यालय परिसर, वडा न. २ गेल्डुङ बजार, वडा न. ३ महांकालस्थान , वडा न. ४ को कार्यालय परिसर , वडा न. ५ च्याल्टी र वडा न. ६ को कार्यालय भुग्देउमा उपलब्ध हुने बेथानचोक गाउँपालिका प्रवक्ता एवं वडा नं. १ का वडाध्यक्ष मधुसुधन तिमल्सिनाले जानकारी दिनुभयो ।
डिजिटल बेथानचोक बनाउने उद्देश्य अनुरुप आज बेथानचोक गाँउपालिकाको छ वटै वडामा स्थानीय बासिन्दाहरको अधिक आवतजावत हुने स्थानमा फ्रि वाईफाई सेवा सुरुवात गरिएको हो । कार्यक्रमको बेथानचोक गाउपालिकाका अध्यक्ष भगवान अधिकारीले शुभारम्भ गर्नुभएको हो । डिजिटल बेथानचोकको नारा साकार पार्न इन्टरनेट सेवाको महत्वपूर्ण भूमिका रहेको बताइएको छ ।
इन्टरनेट सेवा प्रदायक संस्था अल्ट्रानेट कम्युनिकेशन प्रा.लि संगको सहकार्यमा संचालित फ्रि वाईफाई जोन शुभारम्भ कार्यक्रमा उपाध्यक्ष तारा राना वडा अध्यक्षहरु पुरुषेत्तम तिमल्सिना, कुवेर ढकाल, कृष्ण बहादुर पाख्रिन, प्रमुख प्रसाशकीय अधिकृत राजेन्द्र भण्डारी लगायतको उपस्थिती रहेको थियो ।
Leave a Reply