नक्कली मैना: नयाँ गीत अडियो रिलिजको तयारीमा


♦ अशोक बुद्ध लामा
बनेपा । नेपाली संगीत पारखीहरूका लागि खुसीको खबर छ । चर्चित कमेडी अर्टिस गोकुल तामाङ क्यालोको शब्द र संगीत रहेको नयाँ गीत “नक्कली मैना” यही शुक्रबार अडियो रिलिज हुँदैछ।
विशाल काल्तान र लक्ष्मी स्याक्तानको सुमधुर आवाजमा सजिएको यस गीतलाई शुक्र लाल दोङले एरेन्ज तथा मिक्सिङ गरेका छन्। गीतको रेकर्डिङ बनेपास्थित ल्हास्सो रेकर्डिङ स्टुडियोमा सम्पन्न भएको हो।
संगीतप्रेमीहरूले छेटुप लामा युट्युब च्यानलमार्फत गीतको अडियो सुन्न सक्नेछन्। गायक तथा संगीतकारको अनुसार, गीतले प्रेम, भावना र वास्तविक जीवनका कथाहरूलाई संगीतमय रूपमा प्रस्तुत गर्नेछ।
“नक्कली मैना” गीतको अडियो रिलिजलाई लिएर दर्शक तथा श्रोताहरू उत्साहित छन्। तामाङ संगीतमा नयाँपन ल्याउने उद्देश्यले तयार पारिएको यस गीतलाई धेरैले मन पराउने विश्वास गरिएको छ।
अझ विस्तृत जानकारीका लागि शुक्रवार छेटुप लामा युट्युब च्यानलमा गीत सुन्न सकिनेछ ।