नेकपा एमाले बनेपा नगर कमिटीको नेतृत्वमा नवराज मानन्धर

बनेपा । नेकपा एमाले बनेपा नगर कमिटीको दोस्रो अधिवेशन भव्य रूपमा सम्पन्न भएको छ। अधिवेशनबाट नवराज मानन्धर अध्यक्ष पदमा निर्वाचित भएका छन्। शनिबार सम्पन्न अधिवेशनबाट नयाँ कार्यसमिति चयन गरिएको हो, जसले आगामी ३ वर्ष नगर कमिटीको नेतृत्व गर्नेछ।

बनेपा नगरकमिटीको उपाध्यक्षमा शिव थापा, सचिवमा पवन केसी, उपसचिवमा विक्रम प्रजापति र महिला उपसचिवमा नारायणी शर्मा निर्विरोध निर्वाचित भएका हुन् ।

शनिबार भएको अधिवेशनको उद्घाटन पूर्वमन्त्री एवं नेकपा एमाले पोलिट्ब्यरो सदस्य गोकुल प्रसाद बास्कोटाले गरेका थिए ।

अध्यक्ष पदमा निर्वाचित भएसँगै नवराज मानन्धरले पार्टीको संगठनलाई थप मजबुत बनाउन प्रतिबद्ध रहदै बनेपामा एमाले संगठनलाई अगाडि बढाउन भूमिका खेल्ने बताएका छन् ।