काठमाडौँ महानगरपालिकाद्वारा महिलाहरूका लागि निःशुल्क क्यान्सर परीक्षण सुरु
काठमाडौं । काठमाडौँ महानगरपालिकाले वीर अस्पतालसँगको सहकार्यमा महिलाहरूमा बढ्दो क्यान्सर जोखिमलाई ध्यानमा राख्दै स्तन, पाठेघर र पाठेघरको मुखको क्यान्सरको निःशुल्क परीक्षण र प्रारम्भिक उपचार सेवा सुरु गरेको छ।
विशेषज्ञहरूका अनुसार समयमै क्यान्सर पत्ता लगाइएमा उपचार सम्भव हुन्छ। तर, लक्षण नदेखिँदासम्म परीक्षण नगराउने प्रवृत्तिले धेरैको ज्यान गइरहेको छ।
महानगरपालिकाले ३०-६० वर्ष उमेर समूहका दिदीबहिनीहरूलाई नजिकको स्वास्थ्य प्रवर्धन केन्द्रमा गएर नाम टिपाउन र रेफरल स्लिप लिएर परीक्षण गर्न अनुरोध गरेको छ।
यो सेवा पूर्ण रूपमा निःशुल्क भएकाले परीक्षण गरि ढुक्क हुन काठमाडौं महानगरपालिका उपप्रमुख सुनिता डंगोलले आग्रह गरेकी छिन् ।
पछिल्लो समय महिलाको पाठेघरको क्यान्सर विरुद्ध खोप नै आविष्कार भइसकेको छ । पाठेघर क्यान्सर र स्तन, मुख लगायतमा बढ्दै गएको क्यान्सरबाट जोगाउन उक्त अभियान सुरु गरिएको हो । यसलाई देशका अन्य स्थानीय सरकारले पनि कार्यान्वयन गर्न जरुरी देखिएको छ ।
