चुडाप्रसाद चौलागाईं: व्यक्तित्व र कृतित्व समीक्षा संग्रह सार्वजनिक

कार्यक्रममा प्रमुख अतिथी डा. इन्दुल के.सी.ले नेपाली साहित्य क्षेत्रमा चुडाप्रसाद चौलागाईद्वारा लिखित पुस्तकमा धार्मिक, आध्यमिक, दार्शनिक पृष्ठभूमिका लेखहरु समावेस भएकोल यसले साहित्यको क्षेत्रमा महत्वपूर्ण कृतिका रुपमा रहने विश्वास व्यक्त गर्नुभयो । साहित्यकार डा. सीता सुवेदी पन्थीले कृति चिनारीका विषयमा आफ्ना भनाईहरु राख्दै चुडाप्रसाद चौलागाईद्वारा लिखित कृतिहरुमा आफ्नै जीवनका अनुभव, भोगाई, आफ्नै समाजका सोच तथा दृष्टिकोण, संस्कार र परम्परा, मानव प्रकृति तथा प्रभाव जस्ता धेरै विषयहरु रहेको आफूले पाएको बताउनु भयो । चौलागाईका कृतिमा पूर्वीय नितिशास्त्रका मान्यता, समाजले स्विकार गरेका मान्यता, संस्कृति र परम्परा अनुकरणीय पक्षहरु समावेश भएको बताउनु भयो ।

कार्यक्रममा साहित्यकारहरु प्रजापति तिमिल्सिना, पदम दाहाल, जन आदर्श क्याम्पस प्रमुख दुर्गा मोहन श्रेष्ठ, भक्तपुर बुढ्यौली साहित्यिक समाजका अध्यक्ष कविराज घिमिरे, इ.डा. ङेमा लामा, डा. रविन्द गिरी, डा. महेन्द्र सापकोटा लगायतले प्रकाशित कृतिका सम्बन्धमा शुभकामना व्यक्त गर्नु भएको थियो ।