डिजिटल भुक्तानी अनुभव शेयर गरेर ५० हजार नगद जित्ने मौका

काठमाडौं । अब डिजिटल भुक्तानी सम्बन्धी अनुभव शेयर गरेरै नगद जित्न सकिने भएको छ। फोनपेले आयोजना गरेको ‘शेयर एन्ड विन’ प्रतियोगितामा भाग लिने भाग्यशाली सहभागीले ५० हजार नगद जित्ने अवसर पाउनेछन्।

यो अभियान आगामी मार्च ३१ गतेसम्म सञ्चालन हुनेछ, जसअन्तर्गत सहभागीहरूले आफ्नो डिजिटल भुक्तानी अनुभव भिडियोमार्फत प्रस्तुत गर्नुपर्नेछ। ‘ग्लोबल मनी विक २०२५’ को अवसर पारेर फोनपेले ‘डिजी–स्मार्ट नेपाल’ अभियान सुरु गरेको हो, जसले डिजिटल भुक्तानीलाई अझ सुरक्षित, सरल, र प्रभावकारी बनाउन सहयोग पुर्‍याउनेछ।

यस अभियान अन्तर्गत नागरिकहरूलाई डिजिटल वित्तीय प्रणालीको महत्व, सुरक्षित कारोबारका उपाय, र डिजिटल भुक्तानीको फाइदाबारे जानकारी प्रदान गरिनेछ। साथै, कलेजहरूमा स्क्रिप्ट ड्रामा, सचेतना क्विज प्रतियोगिता, वित्तीय विज्ञहरूसँग प्रश्नोत्तर लगायतका गतिविधिहरू पनि आयोजना गरिनेछन्।