धुलिखेलमा मृत पुरुषको वेवारिसे शव फेला

धुलिखेल । काभ्रेपलाञ्चोक जिल्ला धुलिखेल नगरपालिका-७, घिसिङ डाँडा डम्पिङ क्षेत्रमा एक पुरुषको शव फेला परेको छ। मिति २०८१ चैत ९ गते सबेरै अन्दाजि २:४५ बजे अरनिको राजमार्ग सडक किनारमा नाम, थर, वतन नखुलेको अन्दाजि ६०/६५ वर्षको पुरुष मृत अवस्थामा भेटिएका जिल्ला प्रहरी कार्यालय काभ्रेपलान्चोकले जानकारी दिएको छ ।

काभ्रे प्रहरीका अनुसार प्रारम्भिक अनुसन्धानपछि शवलाई पोष्टमार्टमका लागि धुलिखेल अस्पतालको शवगृहमा सुरक्षित राखिएको छ। यदि कसैले हराएको भए वा मृतकलाई चिन्न सक्ने कोही भएमा जिल्ला प्रहरी कार्यालय काभ्रेमा सम्पर्क गर्न अनुरोध गरिएको छ ।