प्याब्सन जिल्ला स्तरिय छात्रा फुटसलको उपाधि माउण्ट भ्युलाई

बनेपा । निजी तथा आवासिय विद्यालय संगठन (प्याब्सन) काभ्रेको आयोजनामा भएको जिल्लास्तरिय फुटसलको उपाधि माउण्ट भ्यु स्कुल धुलिखेलले जितेको छ ।

२४ वटा टिम सहभागि खेलमा द्वितिय नवरत्न, तृतीय पनौती स्थित सिद्धार्थ बनस्थली र सान्त्वना दाप्चास्थित जिन सुनमी एडभेन्टिस्ट एकेडेमी हुन सफल भएको प्याब्सन काभ्रेकी कार्यालय सचिव रेणुका सापकोटा पौडेलले जानकारी दिइन् ।

माध्यमिक तहका छात्राहरू सहभागि खेलमा वेस्ट गोलकिपरको उपाधि समेत माउण्ट भ्यु विद्यालयमा कक्षा १० की छात्रा आस्था सुनुवारले हात पार्न सफल भएकी थिइन् ।

प्रतियोगिता बनेपा स्थित एबिएम स्कुलको फुटसल ग्राउण्डमा भएको थियो ।

बिजयी खेलाडीहरूलाई मेडल, सर्टिफिकेट र ट्रफी सहित सम्मान गरिएको थियो ।

खेलकुदको सुरुवात प्याब्सन जिल्ला सदस्य एवं इसिए इन्चार्ज चन्द्र प्रसाद ताजपुरियाले गर्नुभएको थियो ।

समापन कार्यक्रममा वरिष्ठ उपाध्यक्ष सुजिन्द्र श्रेष्ठ, उपाध्यक्ष वसन्तराज नेपाल, सचिव विमल न्यौपाने, कोषाध्यक्ष अर्जुन थापा, बनेपा नगर अध्यक्ष महेन्द्र विष्ट,  पनौती नगर अध्यक्ष रामचन्द्र देउजा, पनौती प्याब्सनको सचिव ओमकृष्ण श्रेष्ठ लगायतले उत्कृष्ट खेलाडी र टिमलाई ट्रफी, मेडल र प्रमाणपत्रसहित सम्मान गरेका थिए ।