रोशी ११ मा निःशुल्क आँखा शिविर २५० लाभान्वित

♦ अशोक बुद्ध लामा

रोशी । रोशी गाउँपालिका वडा नम्बर ११ मा रोटरी क्लब धुलिखेल र अष्ट्रेलियन रोटरी क्लबको प्राविधिक सहयोग तथा वडा कार्यालयको व्यवस्थापनमा निःशुल्क आँखा शिविर सम्पन्न भएको छ।

१० दिनसम्म विभिन्न स्थानमा घुम्ती सेवा प्रदान गर्ने योजनाअन्तर्गत पहिलो दिनमा मात्र रोशी, तेमाल र सिन्धुलीका २५० जना बालबालिका तथा वृद्धवृद्धाहरूले सेवा लिएका हुन् ।

स्थानीय बासिन्दाहरूले आफ्नै गाउँठाउँमा आँखा परीक्षण तथा उपचारको सुविधा पाउँदा खुशी व्यक्त गरेका छन्। तेमालकी स्थायी बासिन्दा विष्णुमाया तामाङले स्वास्थ्य सेवाका लागि टाढा जानुपर्ने बाध्यता हटेकोमा हर्षित हुँदै आयोजकलाई धन्यवाद दिनुभएको छ।

स्वास्थ्य सेवा पहुँच विस्तार गर्ने उद्देश्यले सञ्चालन गरिएका यस्ता शिविरहरूले ग्रामीण क्षेत्रका नागरिकहरूलाई ठूलो राहत मिल्ने अपेक्षा गरिएको छ ।