सवारीको ठक्करबाट ४ वर्षिय बालिकाको मृत्यु

बनेपा । बनेपा नगरपालिका वडा नम्बर ४ त्रिवेणीचोकस्थित शुभकामना सप्लायर्स (गिट्टी बालुवा डिपो) भित्र भएको सवारी दुर्घटनामा परी ४ वर्षिय बालिकाको मृत्यु भएको छ।

बा ४ ख ८५९२ नम्बरको महेन्द्र निशान गाडी ब्याक गर्ने क्रममा सोही गाडीका चालक सरोज बरालकी छोरी समिक्षा बराललाई ठक्कर लागेको थियो। ठक्करपछि गम्भीर घाइते भएकी बालिकालाई तत्कालै धुलिखेल अस्पताल पुर्‍याइएको थियो ।  उपचारका क्रममा बालिकाको मृत्यु भएको प्रहरीले जनाएको छ।

घटनास्थलमा प्रहरी चौकी नालाबाट प्रहरी निरीक्षक रामदास थारुको कमाण्डमा टोली खटिएको थियो। दुर्घटनामा संलग्न गाडीलाई ईलाका प्रहरी कार्यालय बनेपामा राखिएको छ भने घटनाबारे थप अनुसन्धान भइरहेको काभ्रे प्रहरीले जानकारी दिएको छ।