नव प्रतिभा विद्यालयका युकेजीबाट ४३ विद्यार्थी दीक्षित

♦ अशोक बुद्ध लामा

नमोबुद्ध नगरपालिका वडा नं. ७ भकुण्डेबेशीमा अवस्थित श्री नव प्रतिभा अङ्ग्रेजी माध्यमिक विद्यालयले यस वर्षको वार्षिक परीक्षाको नतिजा प्रकाशन, पुरस्कार वितरणका तथा कक्षा यु.के.जी उतीर्ण भएर कक्षा एकमा पुगेका विद्यार्थीहरुलाई दीक्षित गरेको छ ।

दीक्षान्त समारोहबाट ४३ जना विद्यार्थीहरु दीक्षित भएर कक्षा एकमा पुग्न सफल भएका छन् । उक्त कार्यक्रममा स्वागत मन्तव्य राख्दै विद्यालयका सहायक प्रधानाध्यापक विवेक कुमार तामाङ नमोबुद्ध नगरपालिकामै उत्कृष्ट विद्यालयको रुपमा स्थापित यस विद्यालयलाई काभ्रे जिल्लाकै उत्कृष्ट विद्यालयको रुपमा स्थापित गराउन आफूहरु लागि परेको बताए ।

कार्यक्रम विद्यालयका माध्यमिक तह प्रमुख शिक्षक मोहन खड्काले सञ्चालन गर्नु भएको थियो ।