पनौतीमा पर्यटक सूचना केन्द्रको पुनः सुभारम्भ

पनौती । पनौती पर्यटन विकास केन्द्रको १५ औ स्थापना दिवसको मिति २०७९ साउन ११ गतेका पनौती वडा नं. ७ स्थित योमरी स्तम्भमा पनौती पर्यटक सूचना केन्द्रको पुन सुभारम्भ पनौती नगरपालिका मेयर रामशरण भण्डारीद्धारा उद्घाटन गरि गरि मनाईयो । यस सस्थाका अध्यक्ष राजेन्द्रमहाजुको सभापतीत्वमा भएको कार्यक्रममा नगर प्रमुख रामशरण भण्डारी ज्यू प्रमुख अतिथि, पनौती नगर पालिका वडा नंं. ७ का वडा अध्यक्ष सविन ताम्राकार ज्यू विशिष्ट अतिथि, यस सस्थाका सस्थापक अध्यक्ष सुरेश सैजु, प्रेश युनियन का केन्द्रिय सदस्य नारायण सापकोटा , विदेश पाहुना लगायत विभिन्न सघंसस्थाका पदाधिकारी र यस संस्थाका सदस्यहरुको माझमा पनौतीमा आएका आन्तरिक तथा बाह्य पर्यटकहरुलाई पनौतीको सहि जानकारी दिनको लागि यो सूचना केन्द्रको सेवा उपलब्ध गराएको अध्यक्ष राजेन्द्र महाजुले जानकारी दिनुभयो ।

संस्थापक अध्यक्ष सुरेश सैजुले पनौतीमा यस सस्थाले पनौती होमस्टे, पनौती महोत्सव, देवीनाच, पनौतीको १२ वटा वडाहरुको फोटो प्रर्दशनी लगायत विभिन्न कार्य गरि पनौतीको प्रचारप्रसार गरिरहेकोमा पनौती नगरपालिका र स्थानिय वडाको साथ र सहयोग र सहकार्य गरि पनौतीको पर्यटनबाट स्थानिय समुदायको आयआर्जन वृद्धिमा सहयोग हुने कुरा गर्नुभयो ।

पनौती न. पा. वडा नंं. ७ का वडा अध्यक्ष सविन ताम्राकारले आफ्नु वडाले पर्यटन लाई केन्द्रमा राखेर काम गर्ने र आवश्यक सहयोगको लागि सधै तयार भएको जानकारी दिनुभयो ।

नगरप्रमुख रामशरण भण्डारीले पनौती पर्यटन विकास केन्द्रको योगदानको कदर गर्दै हातेमालो गर्दै अगाडी बढ्ने कुरा गर्नुभयो । यस कार्यक्रममा खाजाको रुपमा योमरीको व्यवस्थापन गरि स्थानिय श्रम र सिपको सदुपयोग गरिएको अध्याक्ष राजेन्द्र महाजुले बताउनुभयो ।