रवि लामिछाने र प्रम प्रचण्डको भेट

काठमाडौं । राष्ट्रिय स्वतन्त्र पार्टीका सभापति रवि लामिछानेले प्रधानमन्त्री पुष्पकमल दाहाल प्रचण्डसँग भेट वार्ता गरेका छन् ।

बालुवाटार स्थित प्रधानमन्त्री निवासमा भएको भेटमा लामिछानेले नक्कली भुटानी शरणार्थी प्रकरणलाई छानबिन गरि टुंगोमा पुर्याउन लामिछानेले प्रधानमन्त्री दाहाललाई आग्रह गरेको बताइएको छ ।

प्रचण्ड नेतृत्वको सरकारले भुटानी शरणार्थी कान्डमा दोषी ठहर भएका शीर्षस्थ नेताहरुलाई पक्राउ गर्न सुरु गर्दै गर्दा रास्वपाले सरकारलाई दिएको समर्थन फिर्ता लिएको थियो । यस प्रकरणमा दोषी नेताहरूलाई कारबाही गर्न विभिन्न राजनीतिक दल एवं सर्वसाधरणले माग गरेका छन् ।