पालिकाहरु योजना तर्जुमामा व्यस्त

बनेपा । काभ्रे जिल्लामा ७ वटा गाउँपालिका र ६ वटा नगरपालिका रहेका छन् । संघीय सरकारले गत जेठ १५ गते बजेट प्रस्तुत गरिसकेको छ भने प्रदेश सरकारले पनि बजेट निर्माण गरिसकेको छ ।

केन्द्र र प्रदेश सरकारबाट स्थानीय तहलाई वित्तिय हस्तान्तरण र स्थानीय तहले आफ्नै स्रोतबाट सुनिश्चित रकमले बजेट निर्माण गर्दछ । अहिले पालिकाका प्रमुख नीति निर्माताहरु आगामी वर्षको बजेट लक्षित योजना तर्जुमा कार्यमा व्यस्त छन् ।

आगामी वर्षको नीति तथा कार्यक्रम निर्धारित मितिमा ल्याउनका लागि नगर/गाउँपालिकाले योजनाहरु समेट्दै गएका छन् ।

विभिन्न पालिकाले गोष्ठी सम्मेलनको आयोजना गरि आफ्नो पालिकाभित्र के के योजना समेट्दा हुन्छ भन्ने जनगुनासोलाई समेत सम्बोधन गरेका छन् ।

काभ्रेका जिल्लाका पालिकाहरुले शिक्षा, स्वास्थ्य, कृषि, रोजगारी, उद्यम विकास, पूर्वाधार विकास, आयआर्जनलाई प्राथमिकतामा राखेर नीति तथा कार्यक्रम तर्जुमा गरिरहेका छन् ।