च्याम्राङवेशीका १० जना विद्यार्थीलाई ट्रयाकसुट वितरण

च्याम्राङवेशी । बेथानचोक गा.पा.-१ च्याम्राङवेसीस्थित श्री त्रिवेणी प्राथमिक विद्यालयमा अध्ययनरत १० जना विद्यार्थीहरुलाई दैनिक विद्यालय आउने वातावरण बनाउन यही चैत १३ गते मंगलबार ट्रयाकसुट वितरण कार्यक्रमको आयोजना गरिएको छ ।

लोकेश्वर मिडिया सर्भिस, पुतलीसडक, काठमाडौंको संयोजनमा विद्यार्थीलाई ट्रयाकसुट वितरण गरिएको हो ।

हङकङ तामाङ घेदुङ आङी समूहकी पूर्व सहकोषाध्यक्ष सुजता लामा र काठमाडौं, बौँद्धकी समाजसेवी चाँदनी लामाको आर्थिक सहयोगमा पोशाक वितरण गरिएको हो ।

१३ औं स्थापना दिवसको अवसरमा बेथानचोक गाउँपालिका वडा नं. १ वडाध्यक्ष एवं गाउँपालिका प्रवक्ता मधुसूदन तिमल्सिनाको प्रमुख आतिथ्यतामा आयोजित कार्यक्रममा वडा सचिव पिताम्बर शर्मा रिजाल, विद्यालय व्यवस्थापन समिति अध्यक्ष ओमप्रसाद दाहाल, प्र.अ.अमिरा चौंलागाई,शिक्षक कर्मचारी, अभिभावक, विद्यार्थीहरुको सहभागिता रहेको थियो ।