भुम्लुका नवनिर्वाचित अध्यक्ष भुजेलको पहिलो जनप्रेमी निर्णय

भुम्लु । भुम्लु गाउँपालिका नवनिर्वाचित अध्यक्ष प्रेम बहादुर भुजेलले भुम्लु बासी नागरिकहरुलाई प्राणघातक रोग मृगौला रोग, मस्तिष्क घात रोगहरुको नि:शुल्क उपचार गर्ने (फन्ड) कोषमा पहिलो हस्ताक्षर गरेर फाइल सदर प्रमाणित गर्नु भएको छ ।

अब भुम्लुको नागरिकहरु उपचारको अभावमा अकालमा मृत्यु हुने दिन अन्त्य भएको घोषणा समेत नवनिर्वाचित अध्यक्ष  भुजेलले गर्नु भएको छ । अध्यक्षको पहिलो घोषणा नै निकै राम्रो काम भएको भन्दै भुम्लुको नागरिकहरुले खुसी ब्यक्त गरेको छन् ।

त्यस्तै गाउँपालिका अध्यक्ष भुजेलले लालपुर्जा विहिन भुम्लु ७ र ८ भुम्लुटार फलाटे बन्देउका जनताहरुको लालपुर्जा समस्या समाधान गर्न उच्चस्तरीय पहलकदमी चाल्नु भएको बताइएको छ । भुम्लु गाउँपालिकाको लालपुर्जा विहिन भुम्लु ७ र ८ फलाटे भुम्लुटार बन्देउका जनता संग गरेको प्रतिबद्धता पूरा गर्न नेपाल सरकारको भुमी ब्यवस्था मन्त्री शशी श्रेष्ठसँग भुम्लु गाउँपालिका अध्यक्ष भुजेलले बिशेष भेटघाट तथा छलफल गर्नु भएको छ ।

छिटोभन्दा छिटो लालपुर्जा समस्या समाधान गर्न भुम्लु गाउँपालिका र मन्त्रालयको मन्त्री शशी श्रेष्ठ साथै अन्य निकाय सँग  समन्वय गरेर जाने कुरा छलफल भएको स्रोतले  काभ्रे पोस्टलाई जानकारी दिएको छ ।