विद्यालय शिक्षा सुधारका लागि शैक्षिक मेला: उत्तरदायी नागरिक उत्पादन महानगरको लक्ष्य
काठमाडौं । काठमाडौं महानगरपालिकाले ‘गरिखाने शिक्षा महानगरको ईच्छा’ नारालाई सार्थक बनाउँदै शैक्षिक मेला सम्पन्न गरेको छ ।
महानगर मातहतका सामुदायिक विद्यालयबाट नतिजा सुधार तथा शैक्षिक वातावरणका लागि थालिएका कार्यक्रमहरुबाट विद्यार्थीहरुमा परेको प्रभाव, यसबाट उनीहरुले सिकेका ज्ञान र सिपहरुको प्रस्तुति तथा प्रदर्शनीका लागि मेला आयोजना गरिएको महानगरपालिकाले जनाएको छ ।
कार्यक्रम विद्यार्थीमा प्रभाव र सिकेका ज्ञान बाँड्नका लागि कोशेढुंगा सावित हुने अपेक्षा गरिएको छ । कामपाले यही फागुन १६ र १७ गते प्रदर्शनी मार्गस्थित राष्ट्रिय सभागृहमा मेला आयोजना गरेको हो।
सहरी योजना आयोगका सदस्य इञ्जिनियर शैलेन्द्र झाले शैक्षिक सत्रको अन्त्यमा सैद्धान्तिक विषयको लिखित परीक्षा भएजस्तै व्यवहारिक र प्रयोगात्मक कक्षाहरुको नतिजा हेर्ने प्रयोजनको लागि मेला आयोजना गरिएको जानकारी दिनुभयो ।
मेलामा विद्यार्थीहरू पारेका वस्तुहरूको अवलोकन हेर्दै काठमाडौं महानगरपालिका उपप्रमुख सुनिता डंगोलशैक्षिक मेलाको उद्घाटन महानगरपालिकाका उपप्रमुख सुनिता डंगोलले बालमैत्री शिक्षण सिकाइबाट असल र सफल नागरिक उत्पादनमा महानगरपालिकाको जोड दिएको बताउनुभयो ।
मेलामा शिक्षा सुधार बाबको शिक्षा, शारीरिक, मानसिक, चारित्रिक विकास, विद्यालयको पूर्वाधार, शिक्षक क्षमता विकास समावेशका कार्यक्रमको बिम्बामा समेटिएका छन्। मेला शिक्षाका लागि महानगरपालिकाको सहरी योजना आयोग, विभाग, स्रोत प्रधानाध्यापक र अध्यापक र शिक्षकलाई सहजीकरण गरिएको थियो ।
प्रदर्शनी तथा प्रस्तुतिमा विद्यार्थी नृत्य, अभिनय, नाट्य, संवाद माध्यमबाट नविनतम सिकाइ गतिविधि प्रदर्शन थिए । बुक फ्री फ्राइडे भित्रका ३५ दृश्य उपसमूहका स्टल रुचि र नतिजा प्रदर्शित थिए । शिक्षक, विद्यार्थी, अभिभावक, जनप्रतिनिधि तथा स्वदेशी तथा विदेशी पाहुनाकालाई अवलोकनका लागि निमन्त्रणा गरिएको थियो ।
महानगरपालिका भित्र ८७ वटा सामुदायिक विद्यालयमा ६१ हजार ३२९ जना विद्यार्थी र ५२४ संस्थागत विद्यालय २ लाख १० हजार ९३४ जना विद्यार्थी २ लाख ७२ हजार २६३ जना विद्यार्थी अध्ययनरत छन् । विद्यालय शिक्षाको विकास, स्तरोन्नति र उच्च अभिवृद्धि उद्देश्यले महानगरपालिकाले शिक्षामा आधारित लगानी बढाएको छ । जसबाट बाल विकास सुधार, पूर्वाधार विस्तार, शिक्षक क्षमता अभिवृद्धि, शिक्षण सामग्रीको उपलब्धता र उपयोगिता अभिवृद्धिको विश्वास लिइको छ । थप शिक्षा सिकाइमा प्रविधि सूचनाको प्रयोग, बुक फ्री फ्राइडे (एकीकृत सिकाइ, निर्माणात्मक सिकाइ र शिक्षामा सिप), टिचर कलेज प्रोग्राम, नतिजा सुधार कार्यक्रमहरू सञ्चालन भइरहेका छन् ।
