प्रेस चौतारी नेपाल काभ्रेपलाञ्चोकको सचिवालय गठन

बनेपा । प्रेस चौतारी नेपाल काभ्रेपलाञ्चोक शाखाको नियमित बैठकले ६ सदस्यीय सचिवालय घोषणा गरेको छ । शाखा अध्यक्ष केदारनाथ तिमल्सिनाको संयोजकत्वमा ६ सदस्यीय सचिवालय गठन गरिएको हो ।

सचिवालयमा उपाध्यक्ष सन्तोष चौलागाईं, सचिव विकास तिमल्सिना, कोषाध्यक्ष मणिराम दाहाल, सहसचिव रञ्जित बोहरा र सदस्य सिर्जना सापकोटा रहेका छन् । नयाँ कार्यसमितिको पाँचौ नियमित बैठकले प्रेस चौतारी बागमती प्रदेश कमिटी र केन्द्रिय कमिटीको निर्देशन अनुसार वर्ष २०८२ लाई प्रशिक्षण वर्षको रुपमा एकीकृत पत्रकारिता तालिम सञ्चालन गर्ने निर्णय गरेको छ ।

बैठकले शाखा उपाध्यक्ष सन्तोष चौलागाईंलाई सूचना अधिकारीको जिम्मेवारी तोकेको छ । शाखाको काम कारबाही र प्रगतिको विवरण सार्वजनिक गर्न र आवश्यकता अनुसार सूचना प्रवाह गर्न सूचना अधिकारीको भूमिका अहम् हुने निष्कर्ष निकाल्दै सूचना अधिकारी तोकिएको शाखाले जनाएको छ ।