नेपाल बुद्धिजीवी परिषद् नमोबुद्ध नगरपालिका कमिटीको अध्यक्षमा पुरुषोत्तम सत्याल
बनेपा । नेपाल बुद्धिजीवी परिषद् नमोबुद्ध नगर कमिटी गठन गरिएको छ। २०८१ चैत ९ गते बसेको भेलाले नमोबुद्ध नगरकमिटी गठन गरेको हो । नेपाल बुद्धिजीवी परिषद् जिल्ला कार्यसमिति काभ्रेपलाञ्चोकको आयोजनामा नमोबुद्ध नगरपालिकास्तरीय कमिटी गठन गरिएको हो । भेला नेकपा एमाले बागमती प्रदेश कमिटी सदस्य राकेश लामाको प्रमुख आतिथ्यता तथा बुद्धिजीवी परिषद्का बागमती प्रदेश कमिटी सदस्य बीर बहादुर थापाको अध्यक्षतामा सम्पन्न भएको हो ।
भेलाबाट नमोबुद्ध नगरपालिका कमिटीको अध्यक्षमा पुरुषोत्तम सत्याल चयन भएका छन् । त्यस्तै उपाध्यक्षमा इन्दिरा आचार्य (खनाल), सचिवमा सुरज न्यौपाने, उपसचिव बलराम हुमागाई, कोषाध्यक्षमा रिमा थापा (घिमिरे) चयन भएका छन् । त्यसैगरी सदस्यहरूमा पवित्रा काफ्ले, बाबु तामाङ्ग, सुर्यलाल श्रेष्ठ र दिनेश सापकोटा चयन भएका छन्।
उक्त कार्यक्रममा नेपाल बुद्धिजीबी परिषद् जिल्ला कमिटीका कोषाध्यक्ष निर्मला सापकोटाले स्वागत मन्तव्य व्यक्त गर्नुभएको थियो। पेशागत महासंघका उपाध्यक्ष बिजय मगर, भूतपूर्व सैनिक संगठन बागमती प्रदेश कमिटीका अध्यक्ष कृष्ण पाण्डे, नमोबुद्ध नगरपालिका संस्थापक नगरप्रमुख टि.पी. शर्मा तिमल्सिना, नेकपा एमाले बागमती प्रदेश कमिटी सदस्य उद्धव हुमागाई तथा नेकपा एमाले नमोबुद्ध नगरकमिटी अध्यक्ष गणेश लामा मोक्तानले नवगठित समितिलाई शुभकामना व्यक्त गरेका थिए।
प्रमुख अतिथि राकेश लामाले समाज विकासमा बुद्धिजीबीहरूको भूमिका महत्वपूर्ण रहेको उल्लेख गर्दै नवगठित समितिलाई सफल कार्यकालको शुभकामना दिनुभएको थियो। कार्यक्रमको सञ्चालन नेपाल बुद्धिजीबी परिषद् काभ्रेपलाञ्चोक जिल्ला कमिटीका सचिव भीमसेन के.सी.ले सञ्चालन गर्नुभएको उक्त कार्यक्रममा नगरपालिकाका विभिन्न बुद्धिजीबीहरूको उल्लेखनीय उपस्थिति रहेको थियो ।
